Dhoma Kombëtare e Avokatisë ka reaguar pas përplasjes në sallën e gjyqit mes prokurorit të SPAK, Behar Dibra dhe avokatit Gentjan Rumano, i cili mbron një nga personat e akuzuar për dosjen “Plumbi i Artë”.
“A mund ta ndërprisni se nuk do të dëgjojmë idiotësirat e këtij idioti”, mësohet se ka thënë prokurori ndaj avokatit. Avokati la sallën e gjyqit, duke bërë që seanca të shtyhej për më 15 korrik.
Dhoma e Avokatisë e Shqipërisë dënon gjuhën fyese ndaj avokatit, duke e quajtur të turpshme, fyese, denigruese dhe intimiduese, deklaratën e prokurorit Dibra.
