Greqia është tronditur nga një krim i rëndë familjar, pasi një 16-vjeçar ka maskruar me thikë për vdekje të atin 71 vjeç. Ngjarja ka ndodhur mbrëmjen e të premtes në Kalyvia.
Adoleshenti ka rrëfyer se është kthyer në shtëpinë ku jetonte me të atin rreth orës 21:00 të mbrëmjes së djeshme, ndërsa më herët kishte shkuar në qendër të Athinës me vëllain, sipas mediave greke. I akuzuari ka qenë duke pritur në hyrje të derës kryesore të shtëpisë me dy thika në duar dhe në momentin kur babai i tij është kthyer në banesë, e ka goditur disa herë në bark, gjoks, qafë dhe fytyrë.
71-vjeçari ka tentuar të shpëtojë, duke zbritur shkallët e banesës, derisa ka përfunduar në oborrin e pallatit, ku edhe është gjetur trupi i tij i pajetë. Menjëherë pas krimit, i mituri ka kontaktuar në telefon me një shok të tij, si dhe nënën dhe vëllain e tij, duke i njoftuar për aktin që kishte kryer.
Policia ka shkuar në vendngjarje pasi janë lajmëruar nga e ëma e djalit dhe ka zbuluar se 71 vjeçari kishte plagë të shumta në kraharor, bark, syrin dhe veshin e majtë
Sipas mediave greke, i mituri ka dëshmuar në polici se ajo që e ka shtyrë për të kryer vrasjen, ishte dhuna dhe abuzimi që kalonte nga i ati, ai bashkë me vëllain 19 vjeç dhe nënën e tij. Ai ka treguar se për këtë shkak nëna dhe vëllai i tij më i madh u detyruan të largoheshin nga shtëpia dhe të jetonin diku tjetër.
16-vjeçari jetonte me të atin dhe priste që ai të rritej për t’u larguar edhe ai. Por ai nuk e duroi dot siç tha dhe e goditi me thikë në bark, gjoks dhe shpinë, duke e lënë të vdekur.
