Gazetari Blendi Fevziu tha mbrëmjen e sotme se me aq sa e njeh çështjen e hetimit të ish-Kryeministrit Sali Berisha ai nuk mund të mbajë përgjegjësi për vendimet kolegjiale të miratuara nga Këshilli i Ministrave.
Në emisionin “Të Paekspozuarit”, Fevziu tha se nëse një kryeministër do të mbante përgjegjësi për vendimet kolegjiale, atëherë me këtë logjikë do të goditej çdo Kryeministër për vendimet që miraton një qeveri.
Është një goditje, Berisha është nën hetim dhe kjo është një kompetencë e SPAK.
Nuk mendoj që Berisha do të largohej nga Shqipëria, ai do të përballet me drejtësinë. Është një politikan prej mbi 30 vjetësh.
Ai tha se në rastin e hetimit të Berishës ose është një balancë e drejtësisë, ose mund të trajtohet si një ndikim i SHBA, po të kihet parasysh deklarata e zyrtarisht të DASH-it, Gabriel Escobar, se SHBA e bënë punën e tyre, tani i takon drejtësisë shqiptare.
