Haris i ka kthyer një përgjigje Amadeas për deklaratat e tradhtisë së tij. Ekskluzivisht për programin “Rudina” në Tv Klan, Haris ka dërguar një mesazh zanor për Amadean, e cila është e ftuar për të rrëfyer të vërtetën e ndarjes së tyre të bujshme.
Haris thotë se fjalët e Amadeas “nuk janë të vërteta” dhe se “ndarja me Amadean ka qenë gjëja më e mirë”. Ai shton se ajo e di që ndarja e tyre ka ardhur si shkak i angazhimeve dhe ka qenë në dijeni të kësaj.
Pas transmetimit të mesazhit, nuk ka munguar as përgjigjja thumbuese e Amadeas.
Amadea: Edhe unë kam një përgjigje për këtë që thjesht unë çfarë kam shkruar në atë “story” kanë qenë të gjitha të vërteta se shumë persona e dinë, edhe njerëz që kanë qenë në Love Island, e kanë ditur se si është personi në fjalë që po flasim dhe thjesht ai ka treguar fytyrën e vet. Por unë fytyrën time dhe ndjenjat e mia i tregova që nga fillimi deri në fund dhe kur nuk shkon, normale që ai do thotë kështu, “nuk ka ndonjë gjë të keqe”. Ai çdo veprim që bënte në Love Island kundrejt meje apo diçka që më lëndonte mua gjithmonë thoshte “nuk ka ndonjë gjë të keqe” dhe e pres këtë që mund të thotë tani.
