Tre persona janë arrestuar nga Policia në Elbasan pasi akuzohen se fusnin lëndë narkotike në qelitë e burgut.
Sipas njoftimit të policisë, bëhet fjalë për:
N.K., punonjës policie në IEVP Elbasan
E.K., familjare e një të paraburgosuri
G.S., i paraburgosur në IEVP Elbasan
Tre të lartpërmendurit akuzohen se në bashkëpunim me njëri tjetrin fusnin lëndë narkotike në ambjentet e burgut me qëllim përfitimin financiar. Ndaj tyre është ekzekutuar masa e sigurisë “arrest me burg”.
“Sipas të dhënave hetimore, personat e përfshirë dyshohet se kanë bashkëpunuar për të futur lëndë narkotike në ambientet e burgut, duke shfrytëzuar pozicionin dhe lidhjet e tyre, në shkelje të rëndë të ligjit dhe rregullave të sigurisë penitenciare”,- thuhet në njoftim.
Materialet procedurale janë referuar Prokurorisë për veprime të mëtejshme ligjore.
