Një 34-vjeçar shqiptar, është vrarë me armë zjarri në Itali. Ngjarja ka ndodhur në zonën Cuneo, në via Umberto, ku shtetasi i identifikuar si Klaudio Myrtaj, është gjetur i vdekur në një punishte artizanale.
Raportohet se i riu është qëlluar me një plumb në kokë, ndërsa ende nuk dihen shkaqet dhe rrethanat e ngjarjes së rëndë.
Sipas mediave vendase, Myrtaj, kishte mbërritur në Itali rreth dy vjet më parë, dhe ishte punëtor në kantieret e rrugëve, duke bashkëpunuar herë pas here edhe me një zejtar vendas.
Autoritetet italiane kanë nisur hetimet për zbardhjen e ngjarjes.
