Numri i qytetarëve që kanë kërkuar ndihmë mjekësore që nga ora 00:00 e deri në orën 10:00 në urgjencën e spitalit rajonal të Kukësit është: 52 pacientë.
Ndihma mjekësore është dhënë për personat që kanë shfaqur probleme shëndetësore si helmimi, konsumimi i tepërt i alkolit e deri tek rastet e hipertensionit, pohojnë mjekët e kësaj urgjence.
Gjithsesi rastet e mbërritjes në urgjencë janë trajtuar me përparësi e nuk ka patur probleme të rënda shëndetësore.
Fatmirësisht në natën e ndërrimit të viteve në Kukës nuk janë shënuar incidente gjatë plasjes së fishekzjarrëve dhe kapsollave, ndonëse në sheshin kryesorë të qytetit të Kukësit nata e ndërrimit të viteve o përcoll me ndezjen e pa kontrolluar të fishekzjarrëve e kapsollave nga vetë qytetarët.
