Një krim ka ndodhur në Malin e Zi, ku motër e vëlla, të identifikuar si Milanka dhe Jovan Madzgalj, janë vrare në fshatin Sokolac, Bijelo Polje.
Trupat e tyre të pajetë janë gjetur në banesë, ndërsa autori i ngjarjes është ende në arrati.
Sipas policisë, “të gjitha njësitet policore, njësitet Antiterroriste, qentë e policisë dhe një njësi helikopterësh e MPB-së dhe Ushtrisë së Malit të Zi janë vënë në dispozicion dhe janë duke ndërmarrë aktivitete intensive për të lokalizimin dhe ndalimin e këtij personi.”
“U bëjmë thirrje qytetarëve të Bijelo Poljes, veçanërisht banorëve të fshatit që të kenë kujdes, të qëndrojnë në banesat e tyre dhe të mos lejojnë hyrjen e personave të panjohur, ndërsa policia po unon për kapjen e autorit. Gjithashtu, apelojmë qytetarët që çdo informacion që mendojnë se mund të jetë domethënës në lidhje me këtë ngjarje, ta raportojnë në polici”, thuhet në njoftim.
Policia ka identifikuar personin e dyshuar për këtë krim të rëndë. Sipas disa informacioneve, bëhet fjalë për një burrë nga Bjelopolja, i cili ishte në kërkim prej 15 ditësh nga policia për vjedhjen e një pushke.
Sipas lajmeve të pakonfirmuara, autori i krimit ka darkuar në shtëpinë e viktimave dhe pas disa orësh i ka vrarë, raporton Kurir.rs.
