Partizani arriti dje fitoren e gjashtë radhazi duke siguruar një ecuri fantastike dhe mbajtur ritmin e Egnatias në krye me 23 pikë dhe një ndeshje më pak se rrogozhinasit.
Kjo seri triumfesh nuk ndodhte prej 16 vitesh, kur në drejtimin e skuadrës ishte Hasan Lika, një nga emrat më të shquar të pankinës së kuqe. Gjithsesi, ai nuk është emri i vetëm për t’u veçuar, pasi ka një koincidencë mjaft interesante. Në sulmin e Partizanit në atë sezon bënte pjesë Arbër Abilaliaj, trajneri aktual i skuadrës.
Në portë, mes shtyllave qëndronte kandidati kryesor për stolin, Orges Shehi. Një koincidencë mjaft e bukur, me dyshen që me shumë mundësi do të bashkëpunojnë sërish, këtë herë në role të ndryshme.
