Një aksident i rëndë është shënuar mëngjesin e sotme në aksin rrugor Kardhiq–Delvinë, në zonën e Fushë Vërrisë. Nga përplasja e dy automjeteve ka humbur jetën një person, ndërsa tre të tjerë janë plagosur dhe janë dërguar në spital
Si pasojë e goditjes, njëri prej mjeteve ka dalë jashtë rruge dhe është përmbysur, ndërsa automjeti tjetër, tip “Audi”, ka pësuar dëmtime të konsiderueshme.
Në vendin e aksidentit kanë mbërritur menjëherë patrullat e Policisë, ekipet e emergjencës dhe zjarrfikësit, të cilët kanë punuar për nxjerrjen e personave nga mjetet dhe sigurimin e zonës.
Ndërkohë, grupi hetimor ka nisur veprimet për të përcaktuar shkaqet dhe rrethanat e plota të aksidentit
