Kuvendi i Shqipërisë mblidhet ditën e sotme në seancën e radhës plenare, ku në rendin e ditës janë parashikuar disa çështje me rëndësi, përfshirë interpelanca, seancë pyetje–përgjigje dhe shqyrtimin e disa projektligjeve.
Në fokus të seancës do të jenë dy interpelanca me ministren e Arsimit, Mirela Kumbaro. E para është thirrur nga deputetja Erisa Xhixho, ndërsa e dyta nga deputeti Erald Kapri. Interpelancat pritet të përqendrohen në çështje që lidhen me politikat arsimore dhe vendimmarrjet e fundit të ministrisë.
Po ashtu, në rendin e ditës është parashikuar edhe një seancë pyetje–përgjigje me Ministren e Shëndetësisë dhe Mirëqenies Sociale, Evis Sala, e kërkuar nga deputeti Erion Braçe. Gjatë kësaj seance pritet të diskutohen çështje që lidhen me sistemin shëndetësor dhe politikat sociale.
Seanca e sotme përfshin edhe votimin e disa projektligjeve të rëndësishme. Ndër to janë projektligji “Për shërbimin e jashtëm në Republikën e Shqipërisë”, projektligji “Për një ndryshim në ligjin nr. 61/2012 ‘Për akcizat në Republikën e Shqipërisë’”, si dhe projektligji “Për një shtesë në ligjin nr. 92/2014 ‘Për tatimin e vlerës së shtuar në Republikën e Shqipërisë’”. Gjithashtu, pritet të shqyrtohet edhe projektligji “Për disa ndryshime në ligjin nr. 27/2018 ‘Për Trashëgiminë Kulturore dhe Muzetë’”.
Në axhendë është përfshirë edhe shqyrtimi i projektvendimit “Për miratimin e strukturës, organikës dhe klasifikimit të pagave të personelit me kohë jo të plotë pune, që rekrutohet për përpunimin e materialeve zgjedhore, të Komisionit Qendror të Zgjedhjeve”. Po ashtu, do të diskutohet projektvendimi “Për disa shtesa në vendimin nr. 65/2025 ‘Për caktimin e anëtarëve zëvendësues në përbërjen e komisioneve të përhershme të Kuvendit’, i ndryshuar”.
Seanca pritet të shoqërohet me debate mes mazhorancës dhe opozitës, ndërsa votimet do të përcaktojnë ecurinë e nismave ligjore të paraqitura.
RENDI I DITËS:
Në mbështetje të urdhrit nr. 11, datë 10.2.2026 të Kryetarit të Kuvendit, z. Niko Peleshi,
rendi i ditës është si më poshtë vijon:
1. Miratimi i procesverbaleve të seancave plenare të datave 27.1.2026 dhe 3.2.2026.
(Neni 44, pika 2, të Rregullores së Kuvendit)
2. Njoftime.
(Neni 44, pika 3, të Rregullores së Kuvendit)
3. Interpelancë me Ministrin e Arsimit, znj. Mirela Kumbaro, kërkuar nga deputeti
Erald Kapri.
(Neni 80 i Kushtetutës, neni 96 i Rregullores së Kuvendit)
4. Interpelancë me Ministrin e Arsimit, znj. Mirela Kumbaro, kërkuar nga deputetja
Erisa Xhixho.
(Neni 80 i Kushtetutës, neni 96 i Rregullores së Kuvendit)
5. Seancë pyetje – përgjigje me Ministrin e Shëndetësisë dhe Mirëqenies Sociale,
znj. Evis Sala, kërkuar nga deputeti Erion Braçe.
(Neni 80 i Kushtetutës, nenet 90 – 92 të Rregullores së Kuvendit)
6. Projektligji “Për shërbimin e jashtëm në Republikën e Shqipërisë”.
(Në mbështetje të neneve 78 dhe 83, pika 1, të Kushtetutës, dhe neneve 55, 73-77 të
Rregullores, shumicë e thjeshtë votash për miratim)
Pyetje
Shprehet nismëtari
Shprehet Komisioni përgjegjës për Europën dhe Punët e Jashtme
Dhënie mendimi Komisioni për Çështjet Ligjore dhe Administratën Publike
Dhënie mendimi Komisioni për Ekonominë, Punësimin dhe Financat
Diskutime
(Shprehen grupet parlamentare)
Koha e votimit
7. Projektligji “Për një ndryshim në ligjin nr. 61/2012 “Për akcizat në Republikën
e Shqipërisë””, të ndryshuar. (Në mbështjetje të nenit 81, pika 1 të Kushtetutës dhe
neneve 68, 55, 73-77 të Rregullores, shumicë e thjeshtë votash për miratim)
Pyetje
Shprehet nismëtari
Shprehet Komisioni përgjegjës për Ekonominë, Punësimin dhe Financat
Dhënie mendimi Komisioni për Europën dhe Punët e Jashtme
Diskutime
(Shprehen grupet parlamentare)
Koha e votimit
8. Projektligji “Për një shtesë në ligjin nr. 92/2014, “Për tatimin e vlerës së shtuar
në Republikën e Shqipërisë””, të ndryshuar. (Në mbështjetje të nenit 81, pika 1 të
Kushtetutës dhe neneve 68, 55, 73-77 të Rregullores, shumicë e thjeshtë votash për
miratim)
Pyetje
Shprehet nismëtari
Shprehet Komisioni përgjegjës për Ekonominë, Punësimin dhe Financat
Dhënie mendimi Komisioni për Çështjet Ligjore dhe Administratën Publike
Diskutime
(Shprehen grupet parlamentare)
Koha e votimit
9. Projektligji “Për disa ndryshime në ligjin nr. 27/2018 “Për Trashëgiminë
Kulturore dhe Muzetë””. (Në mbështetje të neneve 78 dhe 83, pika 1, të Kushtetutës,
dhe neneve 55, 68 dhe 73-77 të Rregullores, shumicë e thjeshtë votash për miratim)
Pyetje
Shprehet nismëtari
Shprehet Komisioni përgjegjës për Kulturën, Turizmin dhe Diasporën
Dhënie mendimi Komisioni për Çështjet Ligjore dhe Administratën Publike
Diskutime
(Shprehen grupet parlamentare)
Koha e votimit
10.Projektvendimi “Për miratimin e strukturës, organikës dhe klasifikimit të
pagave të personelit me kohë jo të plotë pune, që rekrutohet për përpunimin e
materialeve zgjedhore, të Komisionit Qendror të Zgjedhjeve”.
(Në mbështetje të nenit 78 të Kushtetutës, nenit 19, pika 1, shkronja “m” dhe nenit
178, pika 6, të ligjit nr. 10 019, datë 28.12.2008, “Kodi Zgjedhor i Republikës së
Shqipërisë”, i ndryshuar, si dhe nenit 55 të Rregullores së Kuvendit, shumicë e
thjeshtë votash për miratim)
Koha e votimit
11.Projektvendimi “Për disa shtesa në vendimin nr. 65/2025 “Për caktimin e
anëtarëve zëvendësues në përbërjen e komisioneve të përhershme të Kuvendit””,
i ndryshuar.
(Në mbështetje të nenit 78 të Kushtetutës, si dhe neneve 21/1 dhe 55 të Rregullores së
Kuvendit, shumicë e thjeshtë votash për miratim)
Koha e votimit
12.Diskutime për çështje jashtë rendit të ditës.
(Në mbështetje të nenit 45 të Rregullores së Kuvendit: Çdo deputet mund të flasë jo më
shumë se 5 minuta dhe nëse diskuton në emër të grupit parlamentar, jo më shumë se 8
minuta. Koha e diskutimeve për çështje jashtë rendit të ditës nuk mund të jetë më shumë
se 60 minuta.
