Konflikti mes Tifozave “Kuq e Zi” dhe FSHF-së për mungesën e biletave, ka bërë që tifozët të shajnë kreun e FSHF-së Armand Duka.
TKZ protestuan në dyert e FSHF-së dhe revoltën e sollën në stadium me të shara kundër Dukës, ndërsa më pas braktisën ndeshjen.
Shqipëria fitoi të hënën 3-0 kundër Andorrës në Tiranë, sfidë kjo e vlefshme për Grupin K kualifikues të Kupës së Botës.
Tanimë mendja është në datën 7 qershor, ku në Tiranë mbërrin Serbia dhe kjo do jetë më shumë se një ndeshje futbollit.
Për më tepër shikoni videon e mëposhtme:
Për herë të parë pas shumë kohësh, stadiumi “Arena Kombëtare” nuk arriti të mbushë kapacitetin e tij maksimal. Ky stadium, me 22 mijë e 200 ulëse, e më i madhi në Shqipëri, kishte vetëm 17.183 bileta të shitura gjatë ndeshjes së 24 marsit kundër Andorrës, sipas organizatorëve.
Në disa pjesë të stadiumit, ulëset mbetën bosh, megjithëse sfida ishte e rëndësishme për kualifikueset e Kupës së Botës. Pavarësisht kundërshtarit të njohur dhe humbjes së ndeshjes së parë kundër Anglisë, çmimet e larta të biletave kanë kontribuar që shumë tifozë të mos shpenzojnë për të qenë prezent në impiant.
