Një sasi droge e dyshuar si hashash dhe kokainë është zbuluar në ambientet e paraburgimit 313 në Tiranë, gjatë një kontrolli të zhvilluar nga strukturat e burgjeve.
Sasia e lëndës narkotike dyshohet se ishte fshehur brenda ushqimeve, ndërsa zbulimi u bë gjatë kontrolleve të kryera nga Drejtoria e Përgjithshme e Burgjeve në bashkëpunim me Agjencinë e Mbikëqyrjes në Sistemin e Ekzekutimit të Vendimeve Penale (AMSEVP).
Për momentin, vijojnë verifikimet për të përcaktuar sasinë, personat përgjegjës dhe mënyrën se si droga ka mundur të futet në ambientet e paraburgimit.
Një ditë më parë, në burgun e Fushë-Krujës u gjet një telefon celular, ndërsa javën e kaluar një tjetër celular u sekuestrua në burgun e Peqinit.
Kontrollet janë intensifikuar për parandalimin e futjes së drogës, telefonave dhe sendeve të tjera të ndaluara në institucionet penitenciare.
