Pasagjerët shqiptarë vijojnë të përballen me situata shqetësuese gjatë udhëtimeve me Wizzair.
Së fundmi një shqiptar ka humbur udhëtimin drejt Tiranës nga Dortmundi, pasi WizzAir ka shitur më shumë bileta se kapaciteti i avionit.
Ai ka treguar për JOQ ALBANIA se pasi ka bërë check-in online, ka vënë re që në biletë mungonte vendi i sediljes. Duke menduar se kjo gjë do rregullohet, ai ka mbërritur në aeroport ku i është thënë të presë për një mundësi tjetër nëse ndonjë vend bosh do të krijohej, por më pas është njoftuar se duhej të priste biletë të re pasi në avion s’kishte asnjë vend.
Kur ka shprehur shqetësimin e tij, pasagjeri është informuar nga stafi i Wizzair se kompania ka të drejtën e ligjshme të shesë aq bileta sa dëshiron, duke shkaktuar edhe më shumë pakënaqësi tek udhëtarët.
Kur ka shprehur shqetësimin e tij, pasagjeri është informuar nga stafi i Wizzair se kompania ka të drejtën e ligjshme të shesë aq bileta sa dëshiron, duke shkaktuar edhe më shumë pakënaqësi tek udhëtarët.
Ai thotë se 7 pasagjerë janë përballur me të njëjtin problem pa ditur fare se çfarë do ndodhë me fatin e tyre. Kjo ngjarje ka shkaktuar shqetësim dhe indinjatë te pasagjerët shqiptarë të cilët vënë në pikëpyetje shërbimin e WizzAir dhe se si kjo kompani i menxhon biletat dhe vendet në avion.
Denoncimi i qytetarit:
Shikoni çfarë i bën Wizzair shqiptarëve! Ata shesin bileta përtej kapacitetit të avionit dhe nuk na pranojnë brenda. Na thanë të presim nëse do të ketë ndonjë vend bosh, por më pas nuk ka ndodhur asgjë. Më thanë të prisja dhe të merrja një biletë tjetër.
Kjo është qesharake! Dhe më e keqja është që kur po ankohesha, më thanë që ata kanë të drejtë ligjore të shesin sa bileta të duan. Si na trajtojnë kështu? Kam gjetur shtatë pasagjerë të tjerë këtu që kanë përjetuar të njëjtën situatë dhe po ankohen për të njëjtën gjë. Unë e bëra check-in që dje, por nuk mora një vend të caktuar në biletën time. Check-in u pranua, por nuk më dhane vend. Me derguan kete SMS, por nuk me dhane asnje sqarim tjeter. Kam parë shumë ankesa nga të tjerë, por kjo është hera e parë që më ndodh mua! / JOQ Albania
