Deputetët e Partisë Demokratike, Klevis Balliu, Besart Xhaferri dhe Elda Hoti, së bashku me anëtarë të Forumit Rinor të PD-së, kanë shkuar në zonën e Surrelit, pranë banesës së kryeministrit Edi Rama.
Gjatë fjalës së tij, deputeti Klevis Balliu deklaroi tha se qytetarët që protestuan më 22 dhjetor janë gati të zhvendosin aksionin edhe në Surrel.
“Edi Rama ka shpërngulur mbi një milion shqiptarë nga vendi i tyre. Ka grabitur pasuritë publike së bashku me njerëzit e tij dhe i ka dorëzuar shtetin krimit të organizuar.
Nëse nuk jep dorëheqjen dhe nuk përballet me drejtësinë, qytetarët do ta çojnë vetë para saj,” u shpreh Balliu.
Ndërkohë kujtojmë që qeveria është përfshirë në një sër skandalesh, hetimet e SPAK ndaj zv/kryeministres Belinda Balluku për të cilën është kërkuar edhe arrestimi, si edhe skandali i AKSHI-t, strukturë në të cilën është zbuluar një grup që ka vepruar përmes formave kriminale.
