Tre autobusë janë djegur gjatë natës në zonën e ish-Uzinës së Autotraktorit.
Dyshohet se shkak është bërë një defekt i njërit prej autobusëve. Më pas janë përfshirë nga flakët dhe dy të tjerët.
“Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera(autobusë linje).
Grupi hetimor po punon për sqarimin e plotë të rrethanave të shkakut të rënies së zjarrit”, njofton policia.
