Seanca gjyësore për Ilir Metën e parashikuar të mbahej këtë enjte është shtyrë për në datën 19 shkurt.
Shkak për shtyrjen e seancës thuhet se është bërë dhunimi fizik i avokatit mbrojtës të tij, Kujtim Cakrani, ngjarja e ndodhur pak ditë më parë pranë një pikë karburanti në qytetin e Vlorës.
Avokati Cakrani nuk ishte prezent në sallë dhe një shenjë solidarizimi edhe disa prej kolegëve të tij nuk u paraqiten në proces. Ndonëse ish-presidenti Meta, i pranishëm në sallë, pretendoi se ishte gati t’i bënte parashtrimet e tij, gjyqtarja e posaçme, Irena Gjoka vendosi të shtyjë procesin për më 19 shkurt.
Në seancën e kaluar të shqyrtimit paraprak ndaj Metës ish-bashkëshortes së tij, Monika Kryemadhi dhe 3 të bashkëpandehurve, SPAK përfundoi leximin e akt-akuzës dhe kërkoi kalimin në gjyq të çështjes.
Në seancën e radhës do të dëgjohen parashtrimet e të pandehurve.
