Policia spanjolle thotë se “të gjitha provat deri më tani” tregojnë se Diogo Jota po drejtonte automjetin që u përplas javën e kaluar, duke vrarë futbollistin e Liverpoolit dhe vëllain e tij.
Autoritetet thanë gjithashtu se besojnë se provat tregojnë se automjeti “e tejkaloi ndjeshëm limitin e shpejtësisë për autostradën” ku po udhetonte shkruan Sky News.
Aksidenti ndodhi në orën 12:30 të mëngjesit sipas orës lokale të enjten (23:30 të mërkurën sipas orës BST) në autostradën A-52 në komunën e Cernadilla-s, Zamora.
“Ndër të tjera, po shqyrtohen shenjat e lëna nga njëra prej rrotave të automjetit”, shtoi deklarata e Gardës Civile në Zamora.
Autoritetet thanë se raporti nuk është ende i plotë dhe do të “dorëzohet në gjykatën e Puebla de Sanabria”.
Sulmuesi 28-vjeçar portugez vdiq në aksidentin në Spanjën veriperëndimore.
Vëllai i tij, Andre Silva, u vra gjithashtu në aksidentin në autostradën Rias Bajas (A-52) pranë Palacios de Sanabria, duke shkuar drejt Benaventes.
