Politikani britanik Nigel Farage ka pranuar ftesën e Kryeministrit Edi Rama, për të vizituar Shqipërinë.
Ai e bëri këtë njoftim përmes një postimi në rrjetet sociale, ku njoftoi se gjatë vizitës do të diskutojë edhe çështjen e kthimit të të burgosurve shqiptarë nga Britania e Madhe.
“Pranoj ftesën e Kryeministrit @EdiRamaal për të vizituar Shqipërinë si i ftuar nderi. Do të diskutojmë për kthimin e të burgosurve shqiptarë,” shkruan Farage.
Kjo vizitë pritet të shënojë një hap drejt dialogut më të thelluar mes dy vendeve në lidhje me tema të rëndësishme dypalëshe, duke përfshirë edhe çështjet sociale dhe juridike që prekin komunitetin shqiptar në Mbretërinë e Bashkuar.
