Dinamo merr fitoren dhe pikët e para në kampionat. Pas dy humbjeve radhazi, “blutë” fitojnë 2-1 përballë Elbasanit, një sfidë të mbushur me emocione. Erion Xhafa debuton me fitore në krye të Dinamos, ndërsa Elbasani humbet një ndeshje, ku me atë që dha në fushë meritonte më shumë.
Akordohen 7 minuta shtesë
89’ – Penallti për Dinamon. Rosha pengohet në zonë dhe gjyqtari akordon 11-metrësh. Nga pika e bardhë godet Bregu, që shënon golin e avantazhit për blutë. Dinamo-Elbasani 2-1
84’ – Elbasani kërkon të shfrytëzojë këtë moment dhe superioritetin numerik, për të shënuar golin e dytë
77’ – GOOOOL. Barazohen shifrat. Musta shënon golin e barazimit për Elbasanin. 1-1, por Dinamo luan me 10 lojtarë
71’ – Verifikohet në VAR një ndërhyrje e gabuar e Gudiabit në mesfushë. Gjyqtari ndëshkon me të kuq lojtarin. Dinamo me 10 lojtarë në fushë
65’ – GOOOOOOL Zhbllokohet ndeshja në Elbasan. Dinamo kalon në avantazh falë një goli të shënuar nga Itodo Mandela. Dinamo-Elbasani 1-0
56’ – Rast i mirë për Dinamon, Zabërgja me kokë nuk arrin të shënjestrojë kuadratin
53’ – Rrezikon Elbasani me Lilën që godet me kokë, por gjuajtja e tij përfundon jashtë
48’ –Elbasani pretendon një penallti, pas pengimit të Lilës në zonë, por për gjyqtarin loja duhet të vazhdojë
46’ – Nis pjesa e dytë
Mbyllet në barazim pa gola (0-0) pjesa e parë mes Dinamos dhe Elbasanit.
45+2’ – Dinamo i afrohet golit me Zabërgjian, por gjuajtja e tij përfundon jashtë
40’ – Reagon Dinamo. Karamba godet nga distanca, grushton Totoshi.
38’ – Rast i artë për Elbasanin. Hila finalizon një aksion të bukur, por Sali ruan të paprekur portën e Dinamos
35’ – Luhet kryesisht në mesfushë, mungojnë rastet në portat respektive
27’ – Edhe Dinamo hedh sytë nga sulmi, por pa rrezikuar portën e Totoshit
20’ – Ka ritëm sfida. Skuadrat luajnë hapur dhe sulmojnë në kërkim të golit të avantazhit
13’ – Minuta të mira për Elbasanin, Musta tenton portën, por gjuajtja e tij përfundon jashtë
4’ – Sërish Elbasani me Gjonin, që nuk arrin të shfrytëzojë një gabim të mbrojtjes dinamovite
2’ – Elbasani jep shkëndijën e parë me Gjonin, por pret Sali
1’ – Nis ndeshja në “Elbasan Arena”
Dinamo sfidon AF Elbasanin në “Elbasan Arena” në sfidën që do të transmetohet drejtpërdrejt në RTSH 2 në orën 20:00. “Blutë” kërkojnë pikët e para sezonale, ndërsa verdheblutë një tjetër rezultat pozitiv në “Abissnet Superiore”.
Formacionet zyrtare:
DINAMO: Sali, Muzek, Hoxha, Zabërgja, Gudiabi, Mandela, Vila, Karamba, Dita, Meksi, Lorran.
ELBASANI: Totoshi, Lulaj, Qaqi, Dros, De Melo, Kasa, Hasani, Hila, Musta, Lila, Gjoni
