Sekretari i Përgjithshëm i PL-së, Tedi Blushi e ka monsideruar si një akt të pashembullt dhe terrorist arrestimin e Ilir Metës mesditën e sotme.
Në një konferencë për mediat, Blushi tha se ndaj Presidentit të PL-së u ushtrua dhunë fizike në momentin kur u vendos në pranga.
Sipas tij, Meta u “rrëmbye nga dhjetëra kriminelë me uniformë”.
“Jemi këtu për të denuar me ashpërsimë të madhe këtë akt të pashembullt terrorist të konsumuar nga Bin Ladeni në krye të SPAK-ut, apo i njohur ndryshe si Altin DumDumani, që sot në bashkëpunim me forcat, apo me kriminelët nën uniformë të narkopolicisë kryen një nga krimet më të pashembullta në Republikën e Shqipërisë.
Duke rrëmbyer, njësoj si terroristi Bin Laden, ish-kryeministrin, ish-kryetarin e Kuvendit dhe ish-Presidentin e Republikës, i cili edhe pse nën imunitet, i shoqëruar nga Garda e Republikës, nga të cilët në fakt edhe u tradhëtua, i paralajmëroi se nga sot e kanë personale me të.
Më e rëndë akoma është dhuna fizike që këta terroristë të Altin Dumanit dhe narkopolicisë kanë ushtruar sot ndaj ish-presidentit të Republikës, duke kënaqur sigurisht egon e kryebanditit, e kryemafiozit Edi Kristaq Rama, i faktuar botërisht si KM i vetëm në botë i cili ka pritur në zyrën e tij përfaqësuarit më të lartë të krimit të organizuar nga Sinalotë tek Ndragheta. Akti i sotëm nuk është gjët tjetërt vetëm se nja akt lufte ndaj opozitës, e cila i ka dy nga lidërët e opozitës në arrest. Kjo do të marrë përgjigje nga të gjithë shqiptarët nga të gjitha anët e Shqipërisë. Kjo ishte një shprehje e një hakmarrje primitive e pushtetit të Edi Ramës, i cili përmes xhelatëve të tij në sistemin e drejtësisë kreu aktin final ndaj opozitës”, tha Blushi.
