Ditën e nesërme, opozita do të drejtohet nga koncepti i “bllokadës qytetare”, një slogan i ri që lideri demokrat Sali Berisha ka shpërndarë në rrjetet sociale, duke thirrur mbështetësit për një rezistencë të fortë.
Kjo protestë synon të bllokojë lëvizjen në akset kryesore të vendit pas orës 17:00, në një përpjekje për të ushtruar presion mbi qeverinë dhe për të kërkuar një qeveri teknike, pa Edi Ramën, si kusht për mbajtjen e zgjedhjeve të ardhshme parlamentare.
Në posterët e shpërndarë online, opozita ka listuar disa kryqëzime të rëndësishme që pritet të bllokohen gjatë protestës, duke i bërë thirrje qytetarëve që të dalin masivisht për të mbështetur kauzën e tyre për ndryshim qeverisës dhe për një proces zgjedhor të ndershëm.
• Segmenti Casa Italia – Sheshi “Shqiponja”
• Rrethrrotullimi Milot
• Rrethrrotullimi Shkozet
• Rrethrrotullimi Bradashesh
• Rrethrrotullimi Rrogozhinë
• Rrethrrotullimi Levan
