Kryedemokrati, Sali Berisha ka deklaruar këtë të enjte se Edi Ramës po i vjen fundi.
Nga foltorja e Kuvendit, ku po diskutohet për votimin e Bordit të Paqes me përfaqësues Edi Ramën, Berisha ka deklaruar se ky i fundit po e personalizon këtë akt të rëndësishëm ndërkombëtar si mburojë.
Teksa ka renditur akuzat mbi të cilat rëndojnë mbi qeverinë Rama, Berisha është shprehur se Rama po bën përpjekje primitive sipas tij për të mbrojtur veten.
“Seanca merr një karakter të paimagjinueshëm vetëm e vetëm për shkak të përpjekjes primitive të një njeriu që tani po i vjen fundi që ta personalizojë këtë dhe çdo gjë tjetër si mburojë, pasi ajo që i rri në krah, po e merr me vete.
Po e merr me vete dhe jo pa të drejtë. Jo. Sepse ajo si një shërbëtore e bindur ka zbatuar çdo urdhër të tij. Sepse nuk është ajo që e mori Palloshin me vete në Ankara, është ai që mori Lubinë në Ankara dhe u bë pazari 50 milionësh.
Çfarë do u thoni zgjedhësve tuaj që personalizoni një akt ndërkombëtar të rëndësishëm me emrin të nxirë të një njeriu, i cili… po, po, lëvize kokën ti, por ta them se e ke gabim, shumë shpejt do pendohesh për atë kokë që lëviz, vazhdo se mirë e ke, se edhe kjo i thoshte Skënderbeu, po ia ktheu Skënderbuçi pastaj. E pa kjo që foli këtu para jush që i ka ditët e numëruara, jo nga unë, por nga Lubia i ka ditët e numëruara”,- është shprehur Berisha.
