Ish-kryeministri Sali Berisha, nga dritarja e banesës së tij, u ka bërë thirrje qytetarëve të bashkohen në protestën e opozitës para Bashkisë së Tiranës që është lajmëruar në 19 Prill.
Ish-kreu i qeverisë tha se nuk ndodh në asnjë vend si në Shqipëri, ku pas skandaleve nuk ka dorëheqje, ndaj edhe sipas tij kjo duhet të jetë arsyeja për pjesëmarrjen në tubim.
Në çdo vend, para një skandali ka dorëheqje.
Miq, në qoftë se e drejta juaj ka një armik, ai është Skapi i partisë.
Në qoftë se e drejta juaj ka një armik, ajo është gjykata e partisë.
Ndaj dhe e premtja është dita e ditëve, është ora e fitores, është ora e betejës, ora e triumfit qytetar, e ngadhënjimit të kryeqytetit mbi llumin, mbi hajnat e pastrimit të shtëpisë së parë të kryeqytetit të Shqipërisë.
Miq, nuk durohet më.
Durimi ka një kufi.
Le të lëshojmë përpara zemërimin e ligjshëm për shpëtimin e Tiranës.
Zemërimin e ligjshëm për shpëtimin e dinjitetit tonë.
Zemërimin e ligjshëm për shpëtimin e lirive tona.
Zemërimin e ligjshëm për shpëtimin e Shqipërisë.
Qeveri teknike, zgjedhje të lira është zotimi ynë.
Ndaj dhe ftoj qytetarët e Tiranës t’i shndërrojnë këto ditë dhe net që na ndajnë nga e premtja në ditë përkushtimi serioz, dialogu serioz me çdo qytetar.
Në ditën e vendimeve më të guximshme të jetës sonë.
Fitore, fitore, fitore!”, tha Berisha.
