Nga Neritan Vladi
Slogan i së shkuarës që fatkeqësisht amnistoi krimet e komunizmit. Asnjë i dënuar, asnjë falje publike dhe për më tepër asnjë ligj për të ndaluar ish funksionarët e komunizmit të ushtronin karierën në Demokraci. Për çudi këta ish funksionarë patën karierë të suksesshme dhe në demokraci. Rastësia mbreti i botës, por nuk duket dhe aq rastësi.
E megjithatë, për tu rikthyer në situatën aktuale, bashkëvuajtësit janë bërë bashkë.
I pari Rama që nuk harron ti kujtojë SPAK se kush është qeveria, kush ka Ligjin e Maliqin. Madje shkon më tej ku me gjuhë të koduar mafioze kërcënon hapur prokurorët e SPAK.
Nga ana tjetër Berisha që me gjuhën më vulgare dhe të papranueshme shan, intimidon dhe i kërcënon hapur Prokurorët e Gjyqtarët që kanë në dorë çështjet e qeverisjes së tij. Nga ana tjetër Meta është zhdukur por kujdeset që të nxjerrë Monikën për të shantazhuar “Drejtësinë e Re”.
Bashkëfajtor që në rrjesht për një e votuat këtë të ashtëquajturën “Drejtësinë e Re” me 140 vota.
Bashkëvuajtës sepse kurrësesi nuk mund të bashkëjetoni me Drejtësinë dhe ta respektoni atë si një pushtet i pavarur. Ne nuk jemi Republikë Prokurorësh, dhe ata nuk janë SKAP-ista, është thjesht shpresa e ndezur pas drejtësisë së munguar për 33 – vite. Mjafton të dëgjoni lehësat e paguar nga të gjitha kahet që çdo natë mbushin studiot dhe mundohen të orientojnë opinionin publik si një drejtësi me regji. Po kush e ka pultin e regjisë kur të gjithëve ju dridhet toka poshtë këmbëve?
