Këshilli Drejtues i Radio Televizionit Shqiptar me në krye gjyshin bixhozgji Leka Bungo, pas kërkesës së vazhdueshme të Kuvendit, të hënën, më 6 janar, ka hapur garën për Drejtorin e ri të Përgjithshëm të RTSH-së, post i mbetur vakant që prej dorëheqjes së Alfred Pezës.
Shpallja e garës për kreun e ri të RTSH ka trazuar ujërat dhe ka aktivizuar intrigat në median publike. Ndërsa kandidatët kanë afat deri në datën 20 janar për të depozituar dokumentacionin e nevojshmë, korridoreve përflitet për paracaktim të fituesit dhe garë fiktive.
Auroa Polo, drejtoresha e komanduar e RTSH, e cila ka mbështetjen e Eduart Shalsit, ka shfaqur ambicien për të marrë zyrtarisht drejtimin e institucionit, por është përballur me kundërshatrin e përhershëm të drejtorëve Leka Bungon. Pasi e përdori për të realizuar objektivat e tij klienteliste, për të rikthyer në detyrë vetëm miqtë e tij, Leka Bungo nuk e do Aurora Polon drejtoreshë.
Edhe në rastet kur vendi i punonjësit është i zënë Polo e gjente mundësinë për t’i plotësuar dëshirën gjyshit të RTSH, i cili di të sillet si babaxhan me disa dhe si indiferent dhe si i pafuqishëm me disa të tjerë.
Në momentin që kryetarit të këshillit nuk po i dëgjohej më fjala, e la mënjanë drejtoreshën e komanduar duke injoruar të gjitha propozimet e saj. Injorimi nuk i ka pëlqyer Aurora Polos, e cila me bekimin e një tjetër anëtari të Këshillit Drejtues Ilir Kekos, nisën fushatën mediatike kundër Leka Bungos, duke i botuar një kontratë të firmosur nga Alfred Peza. (Qoka e fundit që kanë bërë Leka Bungo dhe Aurora Polo është një enision për modelen Beniada Nishanin).
Konkretisht, në dhjetortë vitit 2023, Lega Bungo i propozon Alfred Pezës një emision njëditor, natën e ndërrimit të viteve. Bëhet fjalë për emisionin “Gëzuar”, i cili është transmetuar në datën 31 dhjetor 2023 nga ora 22.00 deri në orën 24.00 dhe për të cilin Leka Bungo ka përfituar 4 milionë lekë të vjetra.
Kjo kontratë, e cila nuk mund të dilte veçse nga zyra e drejtoreshës së komanduar, doli pikërisht ditën që u shpall gara për kreun ri të RTSH. Një person i afërt me Aurora Polon u nisi disa mediave dokumentin për Leka Bungon, të cilin rrezikon t’a përlajë SPAK-u.
Fushata e sulmve ndaj Bungos dhe RTSH që pasoi për disa ditë, mos ishte ndoshta një formë hakmarrje apo presioni ndaj kryetarit të Këshillit Drejtues?!
Sipas burimeve, Leka Bungo mbështet Iris Luarasin për të drejtuar RTSH. Ndërkaq, përfliten si kandidatura edhe Mustafa Nano, Mark Marku, Lutfi Dervishi dhe Majlinda Bregu.
Inxhinierja Aurora Polo është ndoshta e vetmja funksionare publike, e cila paguhet me tre rroga shtetërore; si drejtore e RTSH, shefe e kabinetit në OST dhe si inxhiniere në Teatrin e Operas, ndërsa merr para edhe me biznesin privat për auditimin e eficencës në energji dhe ndërtesa, duke shfrytëzuar funksionon publik në OST.
Aurora Polo dhe Leka Bungo kanë ndarë edhe 140 mijë euro për Altin Bashën për programet e fundvitit. Aferat asistohen nga ‘skifteri’ Eduart Shalsi, i cili është lidhje e ngushtë e kunatit të Aurora Polos, Aleko Polo.
Ky i fundit ka qenë edhe shef kabineti i Shalsit, kur ishte ministër i Shtetit për Mbrojtjen e Sipërmarrjes, ku në fakt mbrojti vetëm sipërmarrjen e gruas së tij të dytë Eranda Shalsi, duke i kaluar para publike për projekte, bizneset e burrit të Aurora Polos. /PRAPASKENA
