Një atentat ndodhi mbrëmjen e së enjtes në Tiranë, ku katër persona mbetën të plagosur me armë zjarri, mes tyre edhe dy të mitur.
Shënjestër e atentatorëve ka qenë një automjet G-Class Mercedes Benz, ku po udhëtonin A.S, 34 vjeç, K.M, 19 vjeç, dhe dy të mitur, B.D., 11 vjeç dhe M.D., 17 vjeç.
34-vjeçari ka qenë shoferi i mjetit G-Class dhe thuhet se po shoqëronte adoleshentët dhe të miturin. Mësohet se të plagosurit po ktheheshin nga festa e ditëlindjes së 11-vjeçarit.
Policia po verifikon për një automjet të djegur me targën AA 040 YV, i cili u gjet në Lundër.
Dyshohet se atentatorët i kanë ndjekur në Unazën e Madhe dhe i kanë qëlluar, ndërsa shoferi 34-vjeçar ka bërë sa ka pasur mundësi për t’iu larguar atyre, duke mos ndaluar pas të shtënave dhe ka ecur deri në Lundër, ku thuhet se ka humbur ndjenjat nga plagët.
