Kinematografia shqiptare në zi! Regjisori i njohur Vladimir Prifti ka ndërruar jetë në moshën 81-vjeçare. Lajmin e ka dhënë regjisori Mevlan Shanaj përmes një postimi në faqen e vet në Facebook.
Regjisori ka nja kontribut të çmuar edhe si skenarist, në produksione si “Era e ngrohtë e thellësive” apo “Kush vdes në këmbë”, në të cilët ishte edhe regjisor. Largimi i një prej kineastëve më të mëdhenj të vendit tonë ka lënë plagë të thellë tek miqtë e kolegët.
“Lamtumirë VLADIMIR PRIFTI ! Sapo më lajmëruan për ikjen e regjisorit të filmave: Udha e shkronjave, Dhe vjen një ditë, Flutura në kabinën time, Kush vdes në këmbë, Era e ngrohtë e thellësive etj! Sot ekranit shqiptar i ka ikur , regjisori i shquar , njeriu me humor dhe me pasion për artin! Ngushëllime familjes! Kur folëm herën e fundit ishe optimist o Ladi! E lamë që së shpejti të shiheshim te kafja si çdo ditë! Lamtumirë! Filmat e tu janë një pasuri kombëtare! Emri yt do mbetet i përjetshëm për mes veprës tënde!”, shkruan Shanaj.
