Ministrja e Infrastrukturës dhe Energjisë, Belinda Balluku, pasi refuzoi fletëthirrjen e parë nga SPAK, ka vendosur që të paraqitet ditën e sotme së bashku me motrën në rolin e avokates.
Zëvendëskryeministrja është paraqitur në SPAK, për t’u njohur me akuzat që lidhen me “shkeljen e barazisë në tenderat publikë”.
Në momentin e hyrjes në SPAK, Balluku u përball me një numër gazetarësh që kërkuan reagimin e saj për hetimin. Ministrja zgjodhi të mos japë asnjë përgjigje, duke u larguar me nxitim dhe duke shtyrë gazetarët që i afroheshin për pyetje.
“A do të jepni dorëheqjen apo do të përballeni me drejtësinë me mandat?”, ishte pyetja e gazetares së Neës24, Klodiana Lala, ndaj së cilës Balluku reagoi me indiferencë dhe mimika të tensionuara, pa dhënë asnjë koment.
