Eduard Vushaj, 39 vjeç, i shpallur në kërkim ndërkombëtar, është arrestuar nga autoritetet greke në kuadër të operacionit “Kartela e Kuqe”.
Vushaj ishte dënuar në vitin 2016 nga Gjykata e Shkodrës me 16 vite burg, për veprën penale të “Vjedhjes me armë”. Sipas dosjes gjyqësore, në vitin 2013, në fshatin Grabom, ai në bashkëpunim me një tjetër person, ka ndaluar një automjet me dy shtetas dhe, nën kërcënimin e armës, u ka marrë paratë dhe automjetin, duke i plagosur gjithashtu me thikë.
Operacioni u finalizua falë bashkëpunimit të ngushtë mes strukturave të Fast Albania, DVP Shkodër dhe Interpol Tiranës, të cilat nëpërmjet shkëmbimit të informacionit me homologët në Athinë, mundësuan kapjen e të shumëkërkuarit.
