Një ngjarje misterioze ka tronditur burgun ku po vuan dënimin ish-shefi i Policisë Rrugore të Tiranës, Roven Zerka. Burime konfidenciale për “Maska.al” bëjnë me dije se Zerka ka pësuar një dëmtim serioz—thyerje të këmbës—gjatë një ndeshjeje futbolli brenda ambienteve të burgut.
Por çfarë fshihet pas kësaj ngjarjeje? Ishte thjesht një aksident sportiv, apo kemi të bëjmë me një incident të qëllimshëm, ndoshta edhe të organizuar?
Deri më tani, informacionet janë të pakta dhe konfuze. Nuk ka ende asnjë konfirmim zyrtar nëse dëmtimi ka ardhur nga një përplasje e fortë gjatë lojës, apo nëse ndonjë bashkëvuajtës “i kishte ndonjë borxh të vjetër”.
Zerka, i arrestuar nga SPAK në prill 2025 për korrupsion dhe shpërdorim detyre, ishte një figurë e njohur brenda Policisë Rrugore. Në momentin e arrestimit, ai tentoi të largohej, por u neutralizua dhe u vu menjëherë në pranga.
Tashmë, ai përballet jo vetëm me drejtësinë, por edhe me realitetin e vështirë të jetës në burg. A është kjo një shenjë se “lufta e brendshme” mes të burgosurve ka nisur? Apo ndoshta dikush po dërgon mesazhe?
“Maska.al” do të ndjekë hap pas hapi këtë histori që sapo ka nisur dhe të zbulojë të vërtetat e saj të errëta.
