Influencuesi kontrovers i rrjeteve sociale, Andrew Tate dhe vëllai i tij Tristan janë arrestuar të hënën në Rumani pasi akuzohen për sulme seksuale në Mbretërinë e Bashkuar.
Oficerët e Shërbimit të Hetimit Kriminal të Rumanisë “ekzekutuan dy urdhër-arreste të lëshuara nga autoritetet gjyqësore të Mbretërisë së Bashkuar për kryerjen e veprave seksuale dhe shfrytëzimin e personave në territorin e Britanisë së Madhe”.
Dy vëllezërit Tate u paraqitën në prokurorin publik të Gjykatës së Apelit të Bukureshtit, i cili urdhëroi ndalimin e tyre në drejtorine e policisë së Bukureshtit.
Tate dhe vëllai i tij kaluan tre muaj në paraburgim policor në Bukuresht vitin e kaluar dhe më pas u vunë në arrest shtëpiak në pritje të një hetimi penal. Ata akuzohen për abuzim seksual ndaj shtatë grave, akuza që ata i kanë mohuar.
