Angelina Jolie ka kritikuar bombardimin në kampin e refugjatëve “Jabalia”. Në reagimin e saj, ajo flet për vrasjen e palestinezëve dhe krimet e kryera që nga fillimi i luftës kundër Izraelit dhe Hamasit.
Në të njëjtën kohë, aktorja akuzon liderët e shteteve të botës si fajtor për atë që po ndodh në Gaza.
“Ky është një bombardim i qëllimshëm, i një popullsie të bllokuar që nuk ka ku të shpëtojë. Gaza ka qenë një burg në ajër të hapur për gati dy dekada dhe po bëhet me shpejtësi një varr masiv. 40% e të vrarëve janë fëmijë të pafajshëm. Vriten familje të tëra.
Ndërsa bota shikon, me mbështetjen e heshtur të shumë qeverive, miliona qytetarë palestinezë – fëmijë, gra, familje – dënohen dhe dehumanizohen kolektivisht, privohen nga ushqimi, ilaçet dhe ndihma humanitare në kundërshtim me rregullat e ligjit ndërkombëtar. Duke refuzuar thirrjen për një armëpushim humanitar dhe duke penguar Këshillin e Sigurimit të OKB-së që ta zbatojë atë nga të dyja palët, liderët botërorë janë bashkëfajtorë në këto krime”, shkroi aktorja në postimin e saj.
