Avokati Altin Goxhaj ka treguar një skemë që sipas tij po përdoret për të rekrutuar të rinjtë në shpërndarjen e lëndëve narkotike.
Gjatë një podkasti, Goxhaj tha se adoleshentët 17-vjeçarë fillimisht i futin në borxhe dhe më pas iu japin para me fajde për t’i rënduar edhe më shumë. Më pas ata futen në botën e krimit dhe të trafikut të drogës për të larë borxhin e sajuar.
Sipas tij, pas kësaj skeme qëndron Policia, e cila nuk përballet me trimat, por merret me operacionin e “kastrimit” të të rinjëve. Goxhaj tha se “trimave” u thuhet që të merren me kokainë dhe jo që të mbrojnë pronën e tyre, duke i propaganduar se kush merret me drogë është trim.
“Nuk ka më trima Shqipëria, trimat e vetëm i kanë rekrutuar për të shpërndarë kokainë. Këtu kanë ngerlur vetëm ata që thonë jo po pronën time, unë s’ta lej. Nuk ka më burra në këtë vend, prandaj ja u marrin, sepse ju s’i vrisni dot, ju që po iu marrin pronën jeni të gjithë të tredhur.
Pse jeni të tredhur? Sepse pak nga pak ju kanë tredhur, me gruan në shtëpi si hoxha i natës, që iu ka kënduar tek veshi çdo natë “ç’punë ke ti të ngatërrohesh me Qeverinë, ç’punë ke ti”. Jeni të tredhur nga halli që keni fëmijë dhe se kuptoni dot që duke e mbrojtur të ardhmen e tyre, e keni humbur të ardhmen e tyre.
Madje, ndonjë fëmijë juaji 17-vjeçar është rekrutuar në skemën përkatëse të futjes në borxhe, të futjes në rekrutim. Nga borxhi ke fajdaj, nga fajda që se paguan dot në detyrat e shtëpisë për të futur në trafikun e drogës, në botën e krimit, për të paguar borxhin që ju sajua atij, iu shpik apo edhe duke e droguar. Këta nuk kanë asnjë kufi për ju, këta janë armiqtë më të mëdhenj që ka parë ndonjëherë ky vend, është e bazuar te skema e Policisë, sepse në këtë vend nuk ka më trima. Policia nuk është për t’u përballur me trimat. Policia është thjesht për të kryer detyra e kastrimit, të tredhjes, si operacion normal, të tredhjes masive, të burrnisë, të trimërisë.
Ndaj dhe Edi Ramës nuk po ja ndjen fare. Po ju shkatërron pronën. Ky ku e gjen gjithë këtë guxim që del vetëm në rrugë, sepse e di që këta janë të tredhur. Këta burra trima, nuk merren me këto gjëra të vogla, merren me kokainë, e këta aty shkojnë.” – tha Goxhaj.
