Agjentët e Byroja Kombëtare e Hetimit kanë sekuestruar telefonin e Ervina Gjana, Drejtoreshë e Krimit Kibernetik në Policinë e Shtetit. Paralelisht janë kryer kontrolle në zyrën dhe banesën e saj.
Po flasim për një post kyç në hierarkinë e rendit publik. Një funksion që ka për detyrë:
– luftën ndaj mashtrimeve online
– hetimin e call center-ave kriminalë
– mbrojtjen e sistemeve informatike
– bashkëpunimin ndërkombëtar kundër krimit kibernetik
Dhe pikërisht këtu shpërthen skandali.
Hetimi është hapur pas sekuestrimit të telefonave të Agasit, ku SPAK dyshon se drejtues të Policisë së Shtetit janë rekrutuar dhe emëruar nën ndikimin e grupeve kriminale.
Sipas raportimeve: Punonjës policie dyshohen se kanë lejuar aktivitetin e call center-ave kriminalë. Ka dyshime për ndikim të paligjshëm brenda Policisë së Shtetit. Hetimi prek zinxhirin komandues
Telefoni i sekuestruar i Ervina Gjanës është i dyti në këtë aferë, edhe Ilir Proda ka tashmë një telefon të sekuestruar po ashtu, i është sekuestruar telefoni edhe bashkëshortit të saj, Renato Hristiç
Kur drejtuesit e krimit kibernetik hetohen për lidhje me krimin, problemi nuk është më individual — është SISTEMIK.
Kjo nuk është thjesht një çështje disiplinore.
Kjo është alarm për sigurinë kombëtare.
Kjo është dyshim serioz se Policia e Shtetit është depërtuar nga krimi i organizuar.
Opinioni publik ka të drejtë të dijë:
– Kush i emëron?
– Kush i mbron?
– Kush garanton sot ligjin?
Heshtja në këtë fazë do të ishte bashkëfajësi.
