Një aksident i rëndë ka ndodhur mbrëmjen e djeshme në aksin Fushë Krujë-Vorë, në zonën e Fushë-Prezës, ku përplasja fatale mes një betonierje dhe një automjeti tip “Mercedes Benz” i ka marrë jetën katër të rinjve.
Sipas informacioneve paraprake, ngjarja tragjike u regjistrua rreth orës 23:50, kur një betoniere u përplas me automjetin ku udhëtonin të rinjtë.
Përplasja e fuqishme shkaktoi shpërthimin e mjetit “Mercedes Benz” në flakë.
Viktimat janë identifikuar si:
• E. L., 25 vjeç (shoferi i makinës)
• E. L., 20 vjeç (pasagjer)
• EK, 24 vjeç (pasagjer)
• A,L 22 vjeç (pasagjer)
Shoferi i betonieres, shtetasi A. K., 24 vjeç, është larguar nga vendi i ngjarjes pas përplasjes, duke braktisur mjetin. Pas veprimeve hetimore, policia ka arritur ta lokalizojë dhe ta shoqërojë atë në komisariat për të dhënë deklaratën e tij mbi ngjarjen.
Hetimet për zbardhjen e shkaqeve të aksidentit vijojnë, ndërsa ngjarja ka tronditur banorët e zonës dhe familjarët e viktimave.
