Një aksident i rëndë ka ndodhur pasditen e sotme në autostradën Lushnjë-Vlorë, ku janë përfshirë 7 automjete.
Si pasojë e përplasjes së fortë, tre persona kanë mbetur të plagosur dhe janë transportuar me urgjencë në Spitalin Rajonal të Fierit për të marrë ndihmën e nevojshme mjekësore.
Forcat e Policisë kanë mbërritur menjëherë në vendngjarje dhe po punojnë për të zbardhur shkaqet e aksidentit, si dhe për të normalizuar qarkullimin në këtë aks rrugor, ku trafiku ka pësuar ngadalësime për shkak të përplasjes.
Hetimet vijojnë për të përcaktuar shkaqet e sakta të aksidentit dhe përgjegjësitë e mundshme.
