Tirana dhe Egnatia do të përballen të dielën për të matur forcat. Përballë do të jenë skuadra që kryeson kampionatin dhe ekipi i tretë në renditje. Julian Ahmataj nuk do të ketë Hasanin, Abdullahun, Selmanin, Patrikun, si dhe Hilën që është i dënuar.
Në këto kushte, formacioni nuk ndryshon. Nga minuta e parë Kozi, më pas Doka, Najdosvki, Hoxhallari dhe Përgjoni. Në mesfushë treshja Lushkja, Deliu dhe Meta. Në sulm do të luajnë Kaina, Latifi dhe Abazaj.
Opsioni i dytë është aktivizimi i Lulajt në mbrojtje dhe sakrifikimi i njërit prej dyshes Latifi-Kaina. Mbetet për t’u parë se çfarë do të ndodhë në orët në vazhdim. Ahmataj ka kohë deri të dielën para ndeshjes për të ndërtuar kurthin anti-Egnatia. Sfida luhet në Rrogozhinë në orën 13:30. Kujtojmë që nga bardheblutë janë larguar dy lojtarë, Florent Hasani dhe Ardit Hila.
Pas tij do të largohen edhe disa lojtarë të tjerë, ndërsa pritet të afrohen disa futbollistë të rinj. Në sfidën e parë, Tirana u mund nga dy golat e të ndjerit Duamena. Këtë sfidë duhet të fitojë medoemos.
