Kampionët në fuqi kanë mbyllur dje pasdite përgatitjet për finalen e Superkupës, e planifikuar sot në orën 19:00 në stadiumin “Air Albania”.
Në dispozicion të trajnerit Abilaliaj kanë qenë të pranishëm të gjithë lojtarët e gatshëm, përveç atyre që kanë dëmtime të rënda dhe nuk mund të kthehen në këto dy ndeshje të mbetura. Sa i përket formacionit, nuk pritet të ketë ndryshime, pasi edhe vetë organika nuk e mundëson këtë.
Në mbrojtje me shumë mundësi do t’i besohet sërish Janjevës, teksa në mesfushë Murataj mund të mbetet sërish jashtë. Në sulm ka një dilemë mes Taipit dhe Kekos. Janë dy lojtarë me karakteristika të ndryshme dhe kosovari shihet pak më i avantazhuar për faktin se i jep ekipit më shumë stabilitet dhe kontroll topi. Nga ana tjetër, Keko është më i rrezikshëm në sulm.
