Vrasja e Liridonës dhe arrestimi i bashkëshortit të saj Naim Murseli me dyshimin se ishte porositësi i krimit ka vënë përballë të vërtetat e dy familjeve Ademaj dhe Murseli.
Eksperti i sigurisë, Bedri Elezi, tha se ka shumë mundësi që vërtet familja e Naimit të jetë kërcënuar, jo domosdoshmërish nga familja Ademaj por edhe nga qytetarë që duan që në këtë formë të shprehin mbështetjen ndaj Liridonës.
“Kemi të bëjmë me dy të vërteta, e vërteta e parë është se vëllai i të ndjerës, sigurisht me të drejtë, tha duke pasur parasysh faktin se ekziston mundësia e përplasjes, pasi është një situatë shumë e rëndë.
Gjithashtu shqetësimi i babait të Naimit, duket real, kështu ka besuar edhe policia e Kosovës meqë ka marrë në mbrojtje familjen e tij, duke pasur parasysh se është një rast i rëndë dhe Naimi nuk i marrë në konsideratë pasojat që familja mund të ketë. Ne e dimë që ndoshta jo direkt nga familja e Liridonës, por edhe qytetarë mund të sulmojnë familjen e tij, për të shprehur mbështetje ndaj Liridonës.
