“10 milionë turistë, edhe imagjinarë, edhe që erdhën nga “përleshja” e Ramës me ambasadorin rus! Ha ha ha haaaaaaa! “
Nga Petrit Vasili.
Idiotësi për t’u pasur zili. Me siguri kanë futur në llogari edhe Edi Ramën sa herë hyn e del nga Shqipëria. Bile edhe ministrat, që bredhin nëpër botë sa futen në Shqipëri, hopa: bëhen turistë menjëherë. Këtyre trushkulurve po u japim ca të dhëna:
– A ecin me gomar turistët, meqë importi i karburanteve ra?
Në vitin 2021 u importuan rreth në tetëmujorin e parë, 461 mijë ton karburante, që ishte edhe viti fill pas 2020 kur filloi pandemia, ndërsa në vitin 2023 u importuan në tetëmujorin e parë, 408 mijë tonë karburante megjithëse sipas qeverisë numri i turisteve ishte 40% më i lartë! Pra, në vend që sasia e karburanteve të importuar të rritej me 40% në raport me 2021, ka ndodhur e kundërta, pra ka rënë rreth 12%.
– A flenë në pemë, turistët?
Rama dhe qeveria na thonë që 8.2 milionë turistë kanë frekuentuar Shqipërinë nga janari deri në shtator. Por në të gjithë këtë periudhë janë regjistruar vetëm 3.4 milionë netë fjetje. Pra 0.4 netë fjetje për turist ose 9.6 orë për turist, pra as një gjysmë nate realisht. Vetëm 1.2 milionë njerëz janë regjistruar nëpër strukturat e akomodimit. Po e njëjta situatë e raportit turist të deklaruar, net fjetje të realizuar edhe në vitin 2022, ku u raportuan nga qeveria 7.5 milionë turistë, ndërsa janë realizuar 3.8 milionë netë fjetje nëpër hotele sipas statistikave zyrtare.
A ndriçohen turistët me qiri, se konsumi i qeverisë ra?
Gjatë gjashtëmujorit të 2023, numri i shtetasve të huaj që kanë hyrë në territorin shqiptar është 3.396.932. Ky numër është rritur me 33,0%, krahasuar me të njëjtën periudhë të vitit 2022” vlerëson INSTAT. Fakt tjetër është që Shqipëria konsumoi 3.97 milionë kWh energji elektrike në gjashtëmujorin e parë 2023, me rënie 6.7% me të njëjtën periudhë të një viti më parë.
Përfundimi:
Analiza objektive e të dhënave zyrtare do të eliminonte mashtrimet e trasha propagandistike të tipit komunist, që të çojnë vetëm në dështim. Pa një vlerësim profesional të industrisë turistike, të problematikave të funksionimit të saj, të statistikave të sakta e të vërteta turistike, të specifikave të vendit, të standardizimit të turizmit, të incentiveve substanciale stimulues ekonomike, të mbrojtjes së rreptë të natyrës, të ndryshimit rrënjësor të infrastrukturës, të ridimensionimit themelor të informacionit e të marketingut turistik,
Pa transformimin dhe ndryshimin nuk ka dhe s’mund të kemi turizmin, që të gjithë presim, por vetëm do të dëgjojmë deklarata nën jerm për 10 milion turistë, që ecin me gomar, flenë në pemë dhe ndriçohen me qiri.
