Ish-Zonja e Parë e SHBA-së Rosalyn Carter ka vdekur në moshën 96-vjeçare, njoftoi të dielën Carter Center. Qendra Carter theksoi ndër të tjera se ajo vdiq “e qetë, me familjen pranë saj” të dielën, më 19 nëntor, në shtëpinë e saj në Plains, Georgia.
Të premten, më 17 nëntor, Carter Center njoftoi se ish-Zonja e Parë po merrte kujdes paliativ në shtëpi. Rosalyn, 96 vjeç, dhe ish-presidenti “kalojnë kohë me njëri-tjetrin dhe me familjen e tyre.
“Familja Carter vazhdon të kërkojë që të respektoni privatësinë e tyre dhe është mirënjohëse për shprehjen e dashurisë dhe mbështetjes”, shtohet në deklaratën e publikuar në emër të nipit të tyre, Jason.
Në maj 2023, familja njoftoi se Rosalyn vuan nga demenca, por ende jeton e lumtur në shtëpinë e saj në Plains, Georgia. Jimmy dhe Rosalyn Carter ishin çifti presidencial i martuar më gjatë në historinë e SHBA. Ata u martuan 77 vjet më parë, në vitin 1946, kur ai ishte 21 vjeç dhe ajo 18.
Shkurtin e kaluar, Jimmy Carter, pasi u shtrua në spital për probleme të ndryshme shëndetësore, vendosi që tani të merrte kujdes paliativ në shtëpi dhe të ndërpriste trajtimet. Ai madje kërkoi që presidenti Joe Biden të mbajë eulogjinë në funeralin e tij.
