Partizani dhe Orges Shehi vijojnë të kenë në fuqi një marrëveshje mes tyre, por për momentin situata nuk ka mundur të avancojë aq sa durrsaku të marrë frerët e ekipit. Kontrata me Tiranën vijon të jetë aktive dhe kjo nuk e lejon Shehin të firmosë me një klub tjetër.
Por Partizani e ka ndarë mendjen për ta pritur ish-portierin dhe për këtë e ndihmon edhe atmosfera perfekte, që është krijuar në skuadër dhe fitoret që po vijnë në versionin “karikator”. Partizani është i qetë në procesin që trajneri po zhvillon me Tiranën dhe ka marrë një pozicion pasiv, në ndjekje të zhvillimeve.
Gjithsesi, pritja nuk zgjat përgjithmonë dhe në rast se gjërat në skuadër komplikohen, opsioni Shehi “digjet”.
