‘Big Brother Vip Kosova’ ka vetëm pak ditë që ka nisur e duket se brenda shtëpisë më të famshme po krijohen edhe çiftet e para. E kemi fjalën për Albën dhe Azemin të cilët së fundmi kanë shprehur hapur pëlqimin ndaj njëri-tjetrit.
Megjithatë Azemi nuk ka qenë i vetmi banor që ka shprehur pëlqimin ndaj Albës edhe Lumbardhi është parë në lot për të.
Por Alba ka treguar se nuk ndjen gjë dhe e sheh si shok. Megjithatë refuzimi nuk i ka pëlqyer aspak Lumbardhit i cili hera-herës ka shfaqur edhe shenja nervozizmi dhe hatërmbetje ndaj Albës.
Kjo gjë nuk i ka pëlqyer aspak motrës së Albës, Jonidës e cila ka bërë një reagim publik për situatën e krijuar mes dy djemve.
Ajo madje shkruan se është e zhgënjyer nga një pjesë e publikut që paragjykon sjelljen e Albës teksa i del në mbrojtje duke thënë se ajo ka refuzuar një djalë me sjellje toksike.
