Lëvizja që bëri trajneri kroat Zoran Zekiç para disa javësh ka rezultuar fatsjellëse për të dy klubet e përfshira, Partizani dhe Osijek. Zekiç u largua nga Partizani pas fitores 4-3 me Kukësin, lëvizje e cila ndodhi në javën përgatitore për derbin me Tiranën.
“Demat” përfituan 100 mijë euro për kartonin e trajnerit, i cili u kërkua me insistim nga Osijeku, që po vuante në kampionat dhe shpëtimin e kërkonte tek ish-tekniku i tyre. Largimi i Zoran Zekiç jo nuk ka ndikuar për keq, madje mund të thuhet se ka rezultuar fatsjellëse, pasi nën drejtimin e trajnerit të përkohshëm, drejtorit Arbër Abilaliaj, Partizani ka marrë tri fitore radhazi, madje në limitet e sfida, 2-1 ndaj Tiranës, 2-1 ndaj Erzenit dhe së fundmi 1-0 me Teutën. Por lëvizja ka rezultuar me fat edhe për Osijekun që nën drejtimin e Zekiç ka marrë dy fitore me pjesë, ndaj Hajdukut 2-0 në transfertë, si dhe 3-1 ndaj Istras.
