Gjykata e Lartë do të shqyrtojë këtë të martë çështjen që lidhet me masën e sigurisë ndaj kryebashkiakut të Tiranës, Erion Veliaj.
Seanca është parashikuar të zhvillohet në dhomë këshillimi, duke nisur nga ora 09:30.
Rishqyrtimi i çështjes vjen pas vendimit të Gjykatës Kushtetuese, e cila ia ktheu Gjykatës së Lartë kërkesën për masën e sigurisë ndaj Veliajt.
Në vendimin e saj, Gjykata Kushtetuese argumentoi se Gjykata e Lartë duhet të arsyetojë në mënyrë të qartë përse nuk do të ishte e përshtatshme vendosja e një mase tjetër sigurie, përveç asaj të arrestit në burg.
