Një shtetas shqiptar 85-vjeçar ka vdekur mbrëmjen e kaluar si pasojë e një problemi shëndetësor që e goditi gjatë fazës së uljes së fluturimit të Ryanair që vinte nga Tirana dhe që u ul në aeroportin Marconi të Bolonjës, pak pas mesnatës.
I moshuari, sipas informacioneve të para, udhëtonte me disa familjarë dhe kishte tashmë probleme serioze shëndetësore, aq sa kishte kërkuar asistencë mjekësore gjatë zbritjes nga avioni.
Pikërisht në momentin e uljes, ai dyshohet se pësoi një arrest kardiak, i cili nuk i la asnjë mundësi shpëtimi. Menjëherë ndërhynë ekipet e urgjencës 118, të cilat ishin njoftuar më parë, por për burrin nuk kishte më asgjë për të bërë.
Në vendngjarje ndërhyri gjithashtu edhe Policia e Shtetit, e cila shërbente në aeroport./ RAI NEWS
