Një aksident automobilistik është regjistruar mëngjesin e sotëm në aksin Fier–Lushnjë, pranë fshatit Kolonjë.
Nga të dhënat e para, raportohet se një automjet tip “Audi”, që lëvizte në drejtim të Lushnjës, ka humbur kontrollin, ka dalë nga rruga dhe ka përfunduar në nënkalimin që lidh aksin kryesor me zonën e Kolonjës.
Përplasja ka shkaktuar dëme të konsiderueshme materiale në automjet, ndërsa drejtuesi i tij ka mbetur i lënduar lehtë.
Ai është transportuar në spitalin e Lushnjës për të marrë ndihmë mjekësore dhe, sipas të dhënave paraprake, ndodhet jashtë rrezikut për jetën.
Nga hetimet paraprake dyshohet se aksidenti mund të jetë shkaktuar nga një manovër e gabuar e drejtuesit të automjetit.
