Një konflikt fizik mes punonjësve të një subjekti në zonën e plazhit në Golem dhe disa pushuesve turq ka përfunduar me arrestime dhe procedime penale.
Ngjarja u regjistrua në një lokal në zonën e plazhit, ku sipas policisë, një debat mes personave ka degjeneruar në përplasje fizike dhe përdorim të sendeve të forta.
Pas ndërhyrjes së policisë, u arrestuan në flagrancë dy shtetas nga Durrësi, D. K., 33 vjeç, i cili punonte si menaxher i subjektit, dhe E. Q., 37 vjeç, punonjës aty. Ata dyshohen se kanë goditur me sende të forta dy prej pushuesve turq.
“U konfliktuan fizikisht dhe me sende të forta, me 5 pushues turq, arrestohen 2 shtetas dhe procedohen penalisht 2 të tjerë (punonjës në subjektin ku ndodhi konflikti).
Menjëherë pas njoftimit për një konflikt ndërmjet disa shtetasve, në një lokal në plazh, në Golem, shërbimet e Stacionit të Policisë Plazh organizuan punën dhe shkuan në vendngjarje, me qëllim identifikimin dhe nxjerrjen përpara përgjegjësisë penale, të shtetasve përgjegjës. Në vijim të veprimeve procedurale për rastin:
-u arrestuan në flagrancë shtetasit D. K., 33 vjeç dhe E. Q., 37 vjeç, të dy banues në Durrës, përkatësisht menaxher dhe punonjës në hapësirën e plazhit në këtë subjekt, për veprat penale “Plagosja e rendë me dashje”, kryer në bashkëpunim, dhe “Prishja e qetësisë publike”, pasi dyshohet se gjatë konfliktit për motive të dobëta, kanë goditur me sende të forta, 2 pushues turq;
-u referuan materialet në Prokurori, ku nisi procedimi në gjendje të lirë, për veprat penale “Plagosja e lehtë me dashje”, kryer në bashkëpunim, dhe “Kanosja”, për shtetasit I. Sh., 48 vjeç dhe T. D., 49 vjeç, përkatësisht banakier dhe punonjës sigurie në këtë subjekt, pas dyshohet se kanë goditur dhe kanosur 3 shtetas turq”, thuhet në njoftim.
