Tunizia ka mbyllur aventurën e saj në Kupën e Botës që në fazën e grupeve, duke regjistruar një paraqitje zhgënjyese dhe duke dalë pa asnjë pikë nga turneu.
Megjithatë, një raportim i “Daily Mail” ka sjellë një tjetër zhvillim të bujshëm, duke pretenduar se tetë futbollistë të përfaqësueses tuniziane kanë rezultuar pozitivë për një substancë të ndaluar.
Bëhet fjalë për clenbuterol, një substancë e ndaluar nga Agjencia Botërore Anti-Doping (WADA), e cila në disa raste mund të gjendet edhe në ilaçe për trajtimin e problemeve të rrugëve të frymëmarrjes.
Sipas raportimeve, lojtarët dyshohet se mund ta kenë konsumuar substancën në mënyrë të pavetëdijshme, përmes mishit të kontaminuar, çka në raste të ngjashme ka çuar në situata të diskutueshme në sport.
Për momentin, nuk raportohet për vendime zyrtare ndëshkuese, ndërsa gjasat për pezullime konsiderohen të ulëta, duke qenë se dyshohet për një marrje aksidentale të substancës.
Tunizia e përfundoi grupin me 0 pikë, në një grup ku ishin edhe Holanda, Japonia dhe Suedia.
